गांधीनगर गुजरात येथे एका व्यावसायिकाला लुटून गोव्यात आलेल्या तिघांना ताब्यात घेण्यात पोलिसांना यश आलंय. मनोसिंग ठाकूर, छत्रपाल सिंग आणि सुरत सिंग अशी ताब्यात घेतलेल्या संशयितांची नावे असून त्या तिघांनी गुजरात येथे दरोडा घालून एका व्यावसायिकाला लुटल्याचा प्रकार घडला.

सदर व्यावसायिकाला गोळी घालून जखमी करून 40 लाख लुटून तिघेही संशयित गोव्यात पळून आले. दरम्यान या तिघांना कळंगुट पोलिसांच्या मदतीने गुजरात क्राईम ब्रांचने अटक केलीय. पोलीस कायदा सुव्यवस्था राखण्यासाठी नेहमीच तत्पर असतात. कळंगुट पोलिसांच्या सहकार्यानेमुळे गुजरात क्राईम ब्रांचला संशयितांना अटक करण्यात यश आलंय.