पणजी: राज्यसभा खासदार तथा तृणमूल काँग्रेसच्या गोवा सह-प्रभारी सुष्मिता देव आणि गोव्याचे टीएमसी नेते चर्चिल आलेमाव यांनी रविवारी बाणावली येथे आयोजित पत्रकार परिषदेत राज्यात तृणमूलचे (TMC) सरकार स्थापन होणारच, असा दावा केला. (Sushmita Dev TMC Goa Latest News Udpates)

ममता बॅनर्जी (Mamata Banerjee) यांनी बंगालमध्ये तीन वेळा मोदी-शाह जोडीचा पराभव केला आहे आणि गोव्यातही तेच होईल, असा विश्वास त्यांनी व्यक्त केला. यावेळेस त्यांनी तृणमूलच्या आश्वासनांचा पाढा वाचून दाखवला. चर्चिल आलेमाव यांच्याबद्दल बोलताना सुष्मिता देव म्हणाल्या, ते जनसामान्यांचे नेते आहेत आणि ते टीएमसी मध्ये सामील झाल्याचा मला आनंद आहे. त्यांच्या उपस्थितीने, टीएमसी तळागाळात मजबूत होईल आणि आमच्या योजना पूर्णतः कार्यान्वित करण्यास सक्षम होईल.

भाजपला (BJP) खोचक टोला लगावत त्या म्हणाल्या, "भाजपने आधी स्वतःच्या अपयशाकडे लक्ष द्यावे आणि मग विकासाबाबत बोलावे. गेल्या पाच वर्षांत तरुणांना नोकऱ्या का नाही दिल्या? गोव्यातील तरुणांना नोकऱ्या हव्या असताना तुम्ही (प्रमोद सावंत) कुठे होता?