Sunburn :  शिवोली, आंतरराष्ट्रीय ख्यातीच्या सनबर्न महोत्सवाची बार्देशातील वागातोर येथील कोमुनिदादच्या जागेत जोरदार तयारी सुरू आहे. बुधवारी सकाळी अग्निशमन दलाचे अधिकारी नितीन रायकर व इतरांनी वागातोर येथे प्रत्यक्षात भेट देत येथील सुरक्षा उपायांची पाहणी केली.

यावेळी त्यांच्यासोबत श्रीपाद गावस, बॉस्को फेर्रांव तसेच तसेच दिलीप गावस उपस्थित होते.लाखोंच्या संख्येने सनबर्न महोत्सवात उपस्थित राहणाऱ्या पर्यटकांची सुरक्षा व्यवस्था प्रथमस्थानी असून महोत्सवस्थळी आणीबाणीच्या वेळी आयोजक तसेच उपस्थित लोकांनी घ्यावयाच्या खबरदारीच्या सर्व बाजूंचा विचार करून या जागेत चोख व्यवस्था ठेवण्यात आल्याचे रायकर यांनी यावेळी सांगितले.

आगीच्या घटनांपासून संरक्षण देण्यासाठी पाण्याचे दोन बंब घटनास्थळी चोवीस तास कार्यरत राहणार आहेत. सनबर्न महोत्सवात उपस्थित राहण्यासाठी हजारोंच्या संख्येने आतापर्यंत तिकीट विक्री झालेली आहे.