वास्को: बंगालच्या उपसागरात कमी दाबाच्या पट्टा निर्माण झाल्याने आज बुधवारी वातावरण ढगाळ राहिले. तसेच मागील दोन दिवस कडाक्याच्या थंडीने लोक गारठले होते. तसेच हवामानात अचानक बदल दिसून आला व पावसाळी वातावरण तयार झाले.

(Sudden rains in Vasco slip around six bikes)

काल व आज सकाळपासून संध्याकाळपर्यंन्त दमट आणि ढगाळ वातावरण कायम होते. दरम्यान आज संध्याकाळी वास्कोत 8 वा. अचानक पावसाची रीपरीप सुरू झाली व हवेत गारवा निर्माण झाला.

दरम्यान पडलेल्या पावसामुळे रस्ते निसरडे झाल्याने वास्कोत एचडीएफसी बॅन्केसमोर सहा दुचाक्या घसरून पडल्या. यात दुचाकी चालक किरकोळ जखमावर निभावले. अचानक पडलेल्या दुचाकी व चालकांना लोकांनी उठवून बाजूला केले.

रस्ता निसरडा झाल्याने नंतर अग्निशमन दलाला पाचारण करण्यात आले. अग्निशमन दलाच्या जवानांनी निसरड्या रस्त्यावर माती शिंपडली व वाहन चालकांना कमी वेगात जाण्याचा सल्ला दिला.