St. Xaviers Exposition Goa Dainik Gomantak
गोवा

St. Xavier DNA Controversy: चर्चने 'सामाजिक भान' राखले! आंदोलनातील संयमी भूमिकेची सर्व स्तरांतून प्रशंसा

Subhash Velingkar’s Controversial Remarks: हजारो लोक रस्‍त्‍यावर उतरले व हे आंदोलन उग्र होऊन हाताबाहेर जाण्‍याची शक्‍यता होती. मात्र, वेळीच चर्चने लोकांना शांत राहण्‍याचे आवाहन करीत रस्त्यावर येणाऱ्या लोकांना रोखले. त्‍यामुळेच हे आंदोलन नियंत्रणात आले.

गोमन्तक डिजिटल टीम

Subhas Velingkar Statement on SFX

मडगाव: सेंट फ्रान्‍सिस झेवियर यांच्‍याबद्दल हिंदू रक्षा समितीचे अध्‍यक्ष सुभाष वेलिंगकर यांनी जे वक्‍तव्‍य केले, त्‍यामुळे हजारो लोक रस्‍त्‍यावर उतरले व हे आंदोलन उग्र होऊन हाताबाहेर जाण्‍याची शक्‍यता होती. मात्र, वेळीच चर्चने लोकांना शांत राहण्‍याचे आवाहन करीत रस्त्यावर येणाऱ्या लोकांना रोखले. त्‍यामुळेच हे आंदोलन नियंत्रणात आले. चर्चने यासाठी जी भूमिका घेतली ती वाखाणण्‍याजोगी आणि प्रशंसनीय होती, अशी प्रतिक्रिया अनेक सामाजिक चळवळीत सक्रिय असलेल्‍या आंदोलकांनी व्यक्त केली.

फा. बॉलमेक्‍स पेरेरा यांची याबद्दल प्रतिक्रिया विचारली असता, वेलिंगकर जे बोलले तेच वक्‍तव्‍य अन्‍य कुठल्‍याही व्‍यक्‍तीने केले असते, तर एवढी तीव्र प्रतिक्रिया आली नसती. मात्र, वेलिंगकरांना मुद्दामहून अशी वक्‍तव्‍ये करून लोकांना भडकावायचे असते. हे यापूर्वीही दिसून आले आहे, असे मत त्‍यांनी व्‍यक्‍त केले.

ॲड. क्‍लिओफात कुतिन्‍हो आल्‍मेदा म्हणाले, चर्चने लोकांना निषेध करा असे सांगितले असते, तर हे आंदोलन चिघळले असते. हे सर्व पाहता चर्चने जी भूमिका घेतली ती एकदम योग्‍य होती.

ख्रिस्‍ती लोकांवर अजूनही चर्चचा पगडा कायम असून चर्चने केलेले आवाहन हे लोक अजूनही गांभीर्याने घेतात. यावेळीही चर्चने आम्‍हाला आदेश द्यावा असा आग्रह लोक करीत होते, पण चर्चने सामाजिक भान राखून अशी अतिरेकी भूमिका घेतली नाही, असे फा. व्‍हिक्‍टर फेर्रांव म्हणाले.

बिशपवरही होता दबाव

वेलिंगकर प्रकरणात चर्चने खंबीर भूमिका घ्‍यावी अशी आंदोलकांची मागणी होती. बिशप या प्रकरणी ठोस भूमिका घेऊ शकत नाहीत, तर त्‍यांनी गोवा सोडून जावे अशाप्रकारचे संदेशही ते समाज माध्‍यमांवर टाकत होते. असे असतानाही चर्च या दबावाला बळी पडले नाही. आंदोलकांनी रस्‍त्‍यावर येऊन सामान्‍य लोकांना त्रास देऊ नये असे आवाहन चर्चने केले. त्‍यामुळेच चर्चची भूमिका मला सर्वांत चांगली आणि खंबीर वाटली, असे मत दक्षिणायन अभियान संघटनेचे अध्‍यक्ष ॲड. क्‍लिओफात कुतिन्‍हो आल्‍मेदा यांनी ‘गोमन्‍तक’ टीव्‍हीच्‍या ‘साश्‍‍टीकार’ या कार्यक्रमात व्यक्त केले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs AUS: शिखर धवन-युसूफ पठाणची वादळी खेळी निष्फळ, कांगारूंनी भारताचा 4 गडी राखून केला पराभव

Usgaon Bridge: उसगावात 62 वर्षे जुनाट पूल दुरावस्थेत; स्थानिकांची दुरुस्तीची मागणी

Valpoi: बाप रे... गायीच्या पोटात प्लास्टिकचा ढीग! शस्त्रक्रिया करून तब्बल 26 किलो प्लास्टिक काढलं

Viral News: प्रियकरासोबत नको त्या अवस्थेत सापडली पत्नी, बेदम मार खाल्यानंतर नग्नच पळाला लव्हर Watch Video

Pusapati Ashok Gajapathi Raju: पुसापती अशोक गजपती राजूंनी गोव्याचे राज्यपाल म्हणून स्वीकारली सूत्रे; आंध्रवासीयांच्या आनंदाला भरते

SCROLL FOR NEXT