Schools Reopen in Goa Dainik Gomantak
गोवा

Schools Reopen: उष्णतेमुळे विद्यार्थी, पालक त्रस्त; तरीही मोठा उत्साह, शाळेत भव्‍य स्‍वागत

मडगाव शहरात सकाळच्या सत्रात वाहतुकीचा उडाला बोजवारा

दैनिक गोमन्तक

Schools Reopen in Goa: मडगावात सर्वच शाळांनी विद्यार्थ्यांचे उत्साहात स्वागत करण्‍यात आले. पहिला दिवस असल्यामुळे शाळा सकाळी १० ते ११च्या दरम्यान सुटल्या. त्यामुळे सकाळी ८ ते ११ वाजेपर्यंत मडगाव शहरात वाहतुकीचा खोळंबा झाला.

आज शाळांमध्ये विद्यार्थ्यांची केवळ हजेरी घेण्यात आली व त्यांना अभ्यासक्रमाची माहिती देण्यात आली. शाळा सुटल्यावर प्रत्येक शाळेत वेळापत्रक व इतर कामकाज ठरविण्यासाठी मुख्याध्यापक, व्यवस्थापन समितीचे पदाधिकारी, शिक्षक यांच्यात बैठका झाल्‍या. उद्यापासून शाळा सकाळी ८ ते दुपारी १.३० पर्यंत नियमितपणे सुरू होतील असे वाटते.

कडक उन्‍हाळ्‍यामुळे विद्यार्थी व पालक त्रस्त झालेले दिसले. पॉप्युलर विद्यालयाच्‍या मुख्याध्यापिका सुचित्रा देसाई यांनी सांगितले की, शिक्षकांनी विद्यार्थ्यांचे भव्य स्वागत केले. सकाळी विद्यार्थ्यांचा मेळावा घेण्यात आला.

काही विद्यार्थ्यांनी व पालकांनी उकाडा असह्य असल्‍याचे बोलून दाखविले. यंदा पॉप्युलर हायस्कूलमध्ये पाचवी ते दहावीत मिळून सुमारे ५०० विद्यार्थी असल्याचे त्यांनी सांगितले. महिला व नूतन विद्यालयात पहिल्या दिवसापासून विद्यार्थ्यांची वाहतूक समिती कार्यरत करण्यात आली.

वाहतुकीवर नियंत्रण ठेवण्‍यासाठी सहकार्य करा

अनेक शाळांबाहेर वाहतूक पोलिस वाहतुकीवर नियंत्रण ठेवताना दिसत होते. एका पोलिस अधिकाऱ्याने सांगितले की, वाहतुकीवर नियंत्रण ठेवण्यासाठी पालकांचे सहकार्य व समजूतदारपणा आवश्यक आहे.

आपली वाहने थेट शाळेच्या प्रवेशद्वारापर्यंत न नेता दूर ठेवावीत व मुलांना पायी प्रवेश द्वारापर्यंत पोहचविण्याची त्यानी पालकांना विनंती केली. दरम्‍यान, आजपासून उच्च माध्यमिक शाळाही सुरू झाल्या.

मडगावात श्री दामोदर विज्ञान उच्च माध्यमिकचे बारावीचे वर्ग सुरू झाले. अकरावीचे वर्ग पुढील काही दिवसांत सुरू केले जातील, असे प्रा. राजीव देसाई यांनी सांगितले. यंदा अकरावी व बारावीत प्रत्‍येकी २५० विद्यार्थी असल्याचेही त्यांनी सांगितले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

VIDEO: पाकड्यांनी पुन्हा कॉपी केला भारतीय शो! समय रैनाच्या 'इंडियाज गॉट लेटेंट'नंतर आता 'पाकिस्तान गॉट लेटेंट'ची चर्चा; राखी सावंतच्या एन्ट्रीनं वेधलं लक्ष

Goa Water Crisis: 'जल है तो कल है'! यंदाच्या अपुऱ्या पावसामुळे गोव्यात पाणीटंचाईचे गडद संकट

SCROLL FOR NEXT