पणजी: सार्वजनिक बांधकाम खात्‍याने (पीडब्‍ल्‍यूडी) काही महिन्‍यांपासून सुरू केलेले उत्तर गोव्यातील पुलांचे स्‍ट्रक्‍चरल ऑडिट पूर्ण झाले असून, त्‍यातून ११ मोठे, १९ छोटे आणि नाल्‍यांवरील १९२ पुलांची स्‍थिती बिकट असल्‍याचे समोर आले आहे. खात्‍याने या सर्वच पुलांची कामे सुरू केली असून, त्‍यावर सुमारे ९३ कोटी खर्च होण्‍याचा अंदाज असल्‍याची माहिती खात्‍याच्‍या सूत्रांनी बुधवारी ‘गोमन्‍तक’शी बोलताना दिली.
दरवर्षी पावसाळ्याच्‍या पार्श्वभूमीवर ‘पीडब्‍ल्‍यूडी’कडून राज्‍यातील सर्वच लहान, मोठ्या तसेच नाल्‍यांवरील पुलांचे ऑडिट करण्‍यात येते. त्‍यानुसार यंदाही काही महिन्‍यांपूर्वी ‘पीडब्‍ल्‍यूडी’च्या अधिकाऱ्यांनी उत्तर आणि दक्षिण या दोन्‍ही जिल्‍ह्यांतील पुलांचे ऑडिट करण्‍याचे काम सुरू केले होते.
त्‍यातील उत्तर गोव्यातील सर्वच पुलांचे ऑडिट झाल्‍यानंतर तेथील ११ मोठ्या, १९ लहान आणि नाल्‍यांवरील १९२ पुलांची स्‍थिती बिकट असल्‍याचे समोर आले. त्‍यानुसार खात्‍याने या पुलांचे आवश्‍यकतेनुसार काम सुरू केले असून, त्‍यावर सुमारे ९३ कोटी रुपये खर्च होतील, असा अंदाज असल्‍याचे सूत्रांनी स्‍पष्‍ट केले.
दक्षिण गोव्‍याचा अहवाल लवकरच
उत्तर गोव्‍याप्रमाणेच ‘पीडब्‍ल्‍यूडी’ने दक्षिण गोव्यातील पुलांचे स्‍ट्रक्‍चरल ऑडिट करण्‍यासही सुरुवात केली असून, बहुतांशी पुलाचे ऑडिट पूर्ण झालेले आहे. त्‍यासंदर्भातील अहवाल लवकरात लवकर सादर करण्‍याच्‍या सूचना खात्‍याने संबंधित अधिकाऱ्यांना केल्‍याचेही सूत्रांनी नमूद केले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.