Aldeia de Goa Bambolim

झोपलेल्या कुत्र्याच्या अंगावरुन मर्सिडीज कार चालविल्याने जखमी झालेल्या कुत्र्याचा मृत्यू झाला आहे.

या प्रकरणी समोर आलेल्या व्हिडिओनंतर पोलिसांनी याची दखल घेत कार चालकाविरोधात गुन्हा नोंद केला आहे. उत्तर गोवा पोलिसांनी सोशल मिडिया प्लॅटफॉर्म एक्सवरुन याबाबत माहिती दिली आहे.

बांबोळी येथे भटक्या कुत्र्यावर चालविल्या कारचा व्हिडिओ सध्या सोशल मिडियावर व्हायरल होत आहे. याप्रकरणी पोलिसांनी दखल घेतली असून, आगशी पोलिसांत याप्रकरणी गुन्हा नोंद करण्यात आला आहे, अशी माहिती पोलिसांनी दिली आहे.

बांबोळी येथे रहिवासी सोसायटी गेटच्या बाहेर रस्त्यावर एक भटका कुत्री झोपल्याचे दिसत आहे. यावेळी गेटमधून मर्सिडीज कार बाहेर पडताना दिसत आहे. रस्त्यावर झोपलेला कुत्रा दिसत असताना देखील कार चालकाने कुत्र्याच्या अंगावरुन कार चालवल्याचे व्हिडिओत दिसत आहे.

यात कुत्रा जखमी झाला यानंतर त्याचा मृत्यू झाल्याचे समोर आले आहे. व्हिडिओ व्हायरल झाल्यानंतर पोलिसांनी त्याची दखल घेऊन गुन्हा नोंद केला आहे.