Goa Viral Video: इंटनेटच्या युगात विविध सोशल मिडियावर अनेक व्हिडिओ व्हायरल होत असतात. प्रत्येकाच्या हातात मोबाईल फोन आल्याने दररोज घडणाऱ्या घटना सोशल मिडियावर समोर येत असतात.

असाच एक गोव्यातील व्हिडिओ सोशल मिडियावर व्हायरल होत असून, या व्हिडिओने नेटकऱ्यांची मने जिंकली आहेत.

@anny.arun आणि @beardorob यांनी Instagram हा व्हिडिओ शेअर केला आहे. व्हिडिओत एक भटका कुत्रा अनोळखी पर्यटकाच्या दुचाकीवर स्वार होतो. कुत्रा अचानक दुचाकीवर येऊन बसल्याने पर्यटक देखील गोंधळला आहे. मात्र, कुत्रा दुचाकीवरुन खाली उतरण्याचे नाव घेत नाही.

सध्या हा व्हिडिओ सोशल मिडियावर चांगलाच व्हायरल होत असून, लोक विविध प्रतिक्रिया देत आहेत. कोणीतरी त्याला सोडून दिले असून, तुम्हाला त्याला दत्तक घेण्याची संधी दिलीय. तसेच, श्वानानेच तुम्हाला दत्तक घेतल्याची खोचक प्रतिक्रिया देखील एका नेटकऱ्याने दिली आहे.