हरमल : मांद्रे पंचायत क्षेत्रातील पाट्याचे बाग मधलामाज परिसरात नदीकिनारी बेकायदा बांधकाम सुरू आहे, असे स्वराज्य संस्थेचे म्हणणे आहे. पंचायतीने त्वरित हे काम थांबवावे अशी मागणी देखील संस्थेने केली आहे.

'स्वराज' संस्थेचे अध्यक्ष अॅड. किशोर शेटमांद्रेकर यांच्यासह शिष्टमंडळाने मंगळवारी सरपंच प्रिया कोनाडकर आणि सचिव अमित प्रभू यांची भेट घेतली. या बांधकामामुळे पुलाला धोका निर्माण झाला आहे, असे संस्थेने म्हणणे आहे.

सीआरझेडसह सर्व नियमांचे उल्लंघन करून चाललेल्या या बांधकामाला स्थागती द्यावी आणि कारवाई करावी, असे लेखी निवेदनही 'स्वराज'च्या वतीने सादर करण्यात आले आहे. या निवेदनाच्या प्रती उपजिल्हाधिकारी पेडणे, मामलेदार, गटविकास अधिकारी यांनाही सादर करण्यात आल्या असून बेकायदा बांधकामावर त्वरित कारवाई करावी, अशी मागणी केली आहे.