वास्को: वास्कोहून वालंकनी जाणारी रेल्वे लवकर सुरू करा अशा मागणीचे निवेदन वास्कोचे आमदार कृष्णा साळकर तसेच वास्कोच्या इतर नागरिकांनी वास्को रेल्वे स्टेशन मॅनेजरला भेटविले. (Start the train from Vasco to Velankanni - Mla krishna Salkar )

गेली दोन वर्षे कोविड 19 या महामारीने ग्रासले होते. त्यानुसार देशातील दळणवळणावर याचा मोठ्या प्रमाणात परिणाम झाला होता. कोविड काळात अनेक व्यवसाय ठप्प झाले. यात विमान, रेल्वे, बस वाहतूकही ठप्प झाली होती. दरम्यान आता हळूहळू परिस्थिती पूर्वपदावर येत असल्याने सर्व व्यवसाय परत रुळावर येत आहे.

दरम्यान कोविड काळात रेल्वे व्यवसायही मोठ्या प्रमाणात ठप झाला होता. त्यानुसार अनेक रेल गाड्यांचे वेळापत्रक कोलमंडले होते. तसेच अनेक रेल गाड्या बंद करण्यात आल्या होत्या. त्यापैकी वास्कोहून वालंकनी येथे जाणारे रेल्वे सेवा गेली दोन वर्षापासून बंद करण्यात आली होती.

आता कोविडचा प्रसार कमी झाल्याने ही रेल सेवा लोकांच्या मागणीनुसार पूर्ववत सुरू करण्यात यावी अशी मागणी करणारे निवेदन वास्कोचे आमदार कृष्णा साळकर यांनी रेल्वे स्थानकाचे मॅनेजर यांना भेटविले, व ही रेल सेवा लोकांसाठी परत चालू करावी अशी विनंती केली. यावेळी त्यांच्या समवेत वास्को भाजपा मंडळाध्यक्ष दीपक नाईक, नगराध्यक्ष लिओ रोड्रिक्स, नगरसेवक गिरीश बोरकर, नगरसेविका शमी साळकर, लविना डिसोजा, माजी नगराध्यक्ष फियोला रेगो व इतर उपस्थित होते.