Goa ST Community Reservation: राजकीय आरक्षण हा आमचा संविधानिक अधिकार आहे. मात्र आमचा हा अधिकार देण्यास भाजप सरकार तयार नाही.

आमचा अधिकार आम्हाला मिळावा यासाठी आज आमच्यावर उपोषण करण्याची वेळ आली आहे, ही वेळ भाजप सरकारमुळे आली आहे, असा आरोप ‘मिशन पॉलिटिकल रिझर्व्हेशन’च्या नेत्यांनी आज केला.

राजकीय आरक्षणासह अन्य मागण्यांची पूर्तता व्हावी यासाठी मंगेश गावकर व दिलीप वेळीप यांच्या पुण्यतिथी दिनी आज या नेत्यांनी मडगाव येथील लोहिया मैदानावर एका दिवसाचे उपोषण केले.

त्यात ज्येष्‍ठ एसटी नेते गोविंद शिरोडकर यांच्यासह उपासो गावकर, कांता गावडे, रामकृष्ण जल्मी, जोसेफ व्‍ही. व अन्य नेत्यांचा समावेश होता.

या सरकारने आमचा फक्त आपल्या राजकीय स्वार्थासाठी उपयोग करून घेतला. आमच्या 12 मागण्यांपैकी एकही मागणी पूर्ण केलेली नाही. आमचे घटनादत्त अधिकार आम्हाला मिळावेत यासाठी सरकारचे डोळे उघडण्यासाठी आम्ही उपोषणाला बसलो आहोत, असे गावकर यांनी सांगितले.