Accident at Sarvan Karapur Junction: गोव्यातील सर्वण-कारापूर जंक्शनजवळ मंगळवारी, 26 सप्टेंबर रोजी रात्री एक भीषण अपघात झाला. भरधाव वेगात असलेल्या दुचाकीने बसला पाठीमागून जोरात धडक दिली. त्यानंतर विरूद्ध दिशेने येत असलेल्या कारचीही दुचाकीला धडक बसली. या अपघातात दुचाकीस्वार गंभीर जखमी झालेला आहे.

त्याला उपचारासाठी गोवा मेडिकल रूग्णालयात दाखल केले असून त्याची प्रकृती चिंताजनक असल्याचे सांगितले जात आहे. दुचाकीवरून वेगाने जात असलेल्या दुचाकीस्वाराला गाडीवर नियंत्रण राखता आले नाही.

त्यामुळे दुचाकी समोरील बसवर जाऊन जोरात आदळली आणि रस्त्यात आली. त्यातच विरूद्ध बाजूने येत असलेल्या कारनेही दुचाकीला धडक दिल्याचे सांगितले जात आहे.