मडगाव: मडगाव शहरातील कचरा व्यवस्थापन हाताळण्यासाठी मडगाव पालिकेने चार जणांचा खास विभाग सुरू केला असून कचरा उचल करण्याबरोबर त्या कचऱ्याची प्रभावी विल्हेवाट लावण्याची जबाबदारी या पथकाला देण्यात आली आहे.

(Special department of Margao Municipality for waste management)

पालिका अभियंते विशांत नाईक हे या पथकाचे प्रमुख असून कनिष्ठ अभियंते सज्जन गावकर, सफाई निरीक्षक विराज आराबेकर तसेच दामोदर मेत्री या कामगाराची या पथकात नियुक्ती केली आहे. या पथकाच्या दिमतीला एक वाहन आणि एक ड्रायव्हर देण्यात आला आहे.

सज्जन गावकर यांच्यावर रोजच्या देखरेखीची जबाबदारी देण्यात आली असून सर्व पर्यवेक्षकांनी गावकर यांच्याशी संपर्क साधून काम करावे, असा आदेश मुख्याधिकारी रोहित कदम यांनी जारी केला आहे.