Goa University MTS Staff : गोवा विद्यापीठात एमटीएस म्हणून सेवा बजावणाऱ्या सुमारे 25 कामगारांना बडतर्फ करण्यात आले असून बडतर्फ कर्मचाऱ्यांनी त्यांना विद्यापीठात पुन्हा नोकरी मिळवून द्यावी यासंबंधीचे निवेदन केंद्रीय मंत्री श्रीपाद नाईक यांना देण्यात आले.

यावेळी मयुर वेर्णेकर, गजानन मयेकर, अविनाश कुट्टीकर व इतर कर्मचारी उपस्थित होते.

गोवा विद्यापीठात गेली दहा वर्षे मल्टीटास्क कर्मचारी पदावर कंत्राटी तत्त्वावर काम करणाऱ्या सुमारे 25 कामगारांना काढण्यात आल्याचा आरोप करण्यात आला आहे. नवीन कंत्राटी कामगारांना घेतल्यावर तडकाफडकी जुन्या कामगारांना काढले असून विद्यापीठाचे कुलसचिव एखाद्या कंपनीप्रपाणे विद्यापीठाला चालवत असल्याचा आरोप बडतर्फ कर्मचाऱ्यांनी केला आहे.

गोवा विद्यापीठात एमटीएस म्हणून सेवा बजावणाऱ्या कर्मचाऱ्यांना कामावरून बडतर्फ करून नव्या एमटीएस कर्मचाऱ्यांची भरती केल्यामुळे त्यांनी नाराजी व्यक्त केली असून बडतर्फ कर्मचाऱ्यांनी त्यांना विद्यापीठात पुन्हा नोकरी मिळवून द्यावी यासंबंधीचे निवेदन सादर केले.