Siolim MLA Delilah Lobo

हणजूण: शिवोलीच्या आमदार दिलायला लोबो यांनी हणजूण - वागातोर येथील ई-सिगारेटच्या शॉपवर पोलिसांसमवेत छापेमारी केली. यात दुकानातून ई-सिगारेट, वेप आणि हुक्का यासारख्या गोष्टी जप्त करण्यात आल्या आहेत. अशा अवैध दुकानांवर कारवाईची मागणी लोबो यांनी केली.

मिळालेल्या माहितीनुसार, आमदार दिलायला लोबो यांनी हणजूणचे पोलिस निरीक्षक सुरज गवस यांच्यासह हणजूण - वागातोर परिसरातील ई-सिगारेट, वेप आणि हुक्का दुकानांवर छापेमारी केली. छापेमारीत दुकानातून वरील वस्तू जप्त करण्यात आल्याची माहिती मिळाली आहे. कोणत्याही वैध परवानागीशिवाय याची विक्री सुरु असल्याचा आरोप आमदार लोबो यांनी केला.

राज्यात अशा पद्धतीने ई-सिगारेट, वेप आणि हुक्का विक्री होत असलेल्या दुकानांवर कारवाई करण्याची मागणी आमदार दिलायला लोबो यांनी केली. उपजिल्हाधिकाऱ्यांनी यात लक्ष घालून अशा दुकानांना टाळे ठोकण्याची विनंती केली. दरम्यान, राज्यात पर्यटन हंगाम सुरु झाला असल्याने देश - विदेशातील पर्यटक गोव्यात दाखल झाले आहेत. या पार्श्वभूमीवर राज्यात अवैध गोष्टी विक्री होण्याचा धोका वाढला आहे.