गेल्या वर्षी 12 ऑगस्ट रोजी घडलेल्या सिद्धी नाईक मृत्यू प्रकरणाने संपूर्ण राज्य हादरून गेले होते. सिद्धी नाईक या 19 वर्षीय मुलीचा मृतदेह कळंगुट समुद्रकिनाऱ्यावर अर्धनग्न अवस्थेत आढळून आला होता. त्यानंतर या प्रकरणाला अनेक वेगवेगळी वळणे घेत आहे.

(Siddhi Naik's father's demand to reopen the case along with Tara Kerkar)

सिद्धीच्या घरच्यांनी आणि गोव्यातील जनतेने सिद्धीला न्याय मिळवा यासाठी अनेक प्रयत्न केले. मात्र आता संबंधित कोणतेही पुरावे सापडले नसल्याने सिद्धी नाईकची फाईल क्राईम ब्रांचकडून बंद करण्यात आली होती. मात्र हा खटला पुन्हा सुरू करण्याची मागणी सिद्धी नाईकच्या वडिलांची केली आहे.

मिळालेल्या माहितीनुसार, सिद्धी नाईकच्या वडिलांसह सामाजिक कार्यकर्त्या तारा केरकर यांनी हा खटला पुन्हा सुरू करण्याची मागणी केली आहे. कोणताही पुरावा सापडला नसल्याचे सांगत केस बंद करण्यात आली होती. मात्र त्यांनी सीबीआय चौकशीची मागणीही केली आहे. याबाबत तारा केरकर यांनी म्हटले आहे की, या प्रकरणात बरेच पुरावे आहेत. जे प्रकरण हाताळणाऱ्या अधिकाऱ्यांनी नष्ट करण्याचा प्रयत्न केला. त्यामूळे सिद्धीला न्याय मिळण्यासाठी हे प्रकरण पून्हा सुरु करा असे त्यांनी म्हटले आहे.

नेमके काय प्रकरण ?

12 ऑगस्ट 2021 रोजी कळंगुट समुद्रकिनारी गूढ परिस्थितीत तिचा अर्धनग्न अवस्थेत मृतदेह आढळला होता. सिद्धी नाईकच्या कुटुंबीयांनी आणि नातेवाइकांनी न्यायाची मागणी करत जोर धरला होता. त्या धर्तीवर खुनाचा गुन्हा दाखल करून तपास करावा, अशी मागणी कुटुंबीयांनी केली; मात्र पुराव्यांच्या अभावामुळे ही केस बंद करण्यात आली आहे. यावर सिद्धी नाईकच्या वडिलांसह सामाजिक कार्यकर्त्या तारा केरकर यांनी हा खटला पुन्हा सुरू करण्याची मागणी केली आहे.