म्हापसा: आंबेखणवाडो, वेरे, बार्देश येथील श्री शांतादुर्गा मंदिरातील फंडपेटी फोडून चोरांनी अंदाजे ३० हजारांची रोख रक्कम लंपास केली. मंदिराच्या छताची कौले काढून चोरांनी ही चोरी केली. चोरीची घटना बुधवारी पहाटे २ ते २.३० च्या दरम्यान घडली.
या प्रकरणी देवस्थानचे अध्यक्ष प्रमोद धुंगट यांनी तक्रार नोंदवली असून पोलिसांनी चार जणांविरोधात गुन्हा नोंद केला. मंदिराच्या आवारात राहणाऱ्या पुरोहीतांनी नेहमीप्रमाणे मंदिराचा दरवाजा उघडला, तेव्हा हा चोरीचा प्रकार त्यांच्या लक्षात आला.
नंतर त्यांनी देवस्थानचे पदाधिकारी व पोलिसांना या घटनेची माहिती दिली. अनोळखी चारजण चोर हे मंदिराच्या प्रांगणात मागील बाजूने उभारलेल्या पत्र्यांच्या शेडच्या लोखंडी खांबवरून हे चोर मंदिराच्या छतावर चढले. छप्पराची कौले काढून ते आतमध्ये शिरले. गर्भकुडी बाहेर असलेली फंडपेटीचा कुलूप त्यांनी लोखंडी हुक घालून तोडले आणि आतील सर्व रक्कम चोरून नेली.
gया घटनेची माहिती मिळताच साळगाव पोलीस निरीक्षक मिलिंद भुईंबर, उपनिरीक्षक सर्वेश भंडारी, निशान नाईक यांनी सहकार्यांसह घटनास्थळी धाव घेतली व पाहणी करत पंचनामा केला. पोलिसांकडून ठशे व श्वान पथकाचा वापर करण्यात आला. पुढील तपास पोलीस करत आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.