Sexual Assault on Minor at Bhoma

राज्यात महिलांवरील अत्याचाराच्या घटनांमुळे सुरक्षेचा प्रश्न पुन्हा एकदा डोके वर काढू लागला आहे. भोम-मुस्लीमवाडा येथे अल्पवयीन मुलीवर बलात्कार केल्याप्रकरणी म्हार्दोळ पोलिसांनी सादिक रहेज खान (वय 19 वर्षे) याला अटक केली आहे. संशयित सादिक भोम येथील स्क्रॅप यार्डात काम करतो, अशी माहिती आहे.

पीडितेशी होते प्रेमसंबंध, मात्र..

सादिकचे भागातील 17 वर्षीय मुलीशी प्रेमसंबंध होते. दोन दिवसांपूर्वी सादिकने मुलीला आपल्या खोलीत बोलावले आणि तिच्यावर बलात्कार केल्याचा आरोप आहे.

यापूर्वीही एकदा सादिकने पीडितेवर बलात्कार केला होता; पण यावेळी त्या दोघांत भांडण झाल्याने पीडितेने आपल्या कुटुंबीयांना या प्रकाराची माहिती दिली. पीडितेच्या कुटुंबीयांनी पोलिसांत तक्रार नोंदवली.

पीडितेच्या कुटुंबीयांनी तक्रार नोंदवल्यानंतर म्हार्दोळ पोलिसांनी सादिक खानला ताब्यात घेतले आहे. याबाबत संशयिताची पुढील तपासणी सुरू आहे.

अल्पवयीन मुलींवर होणाऱ्या अत्याचाराच्या घटनांमुळे राज्यातील महिलांच्या सुरक्षेचा प्रश्न पुन्हा ऐरणीवर आला आहे.