Waste Water:  Dainik Gomantak
गोवा

Waste Water: पणजीतील ‘स्मार्ट सिटी'च्या कामावर शंका; नवीन वाहिनी टाकल्यावरही चेंबर भरून वाहू लागले

परिसरात दुर्गंधी: रहिवाशांना नाहक त्रास

दैनिक गोमन्तक

पणजी शहरालगतच्या भाटले परिसराची सांडपाण्याची समस्या मंगळवारी निर्माण झाली. अधून-मधून या मळा व या परिसरात सांडपाण्याची समस्या उद्‍भवण्याच्या प्रकारामुळे नाररिकांत नाराजी पसरली आहे.

मंगळवारी भाटले परिसरातील सटी मंदिर परिसरात सांडपाण्याचे चेंबर भरून वाहू लागले. त्यामुळे रस्त्यावरून ये-जा करणाऱ्यांना व या परिसरातील रहिवाशांना या सांडपाण्याची दुर्गंधी सहन करावी लागली. अखेर याविषयी ‘मनपा’कडे तक्रार आल्यानंतर महापालिकेच्या व मलनिस्सारण विभागाच्या कर्मचाऱ्यांनी घटनास्थळी धाव घेतली.

या परिसरात भूमिगत मलनिस्सारण वाहिन्या टाकण्याचे काम काही महिन्यांपूर्वीच झाले आहे. परंतु तोपर्यंत काही दिवसांतच चेंबर भरून वाहन्याचे प्रकार घडल्याने इतर यंत्रणेबाबत आता प्रश्‍न उपस्थित होत आहे. कर्मचाऱ्यांनी चेंबर उघडून मशिनच्या साह्याने मार्ग प्रवाहित करण्याचा प्रयत्न केला.

परंतु या परिसरात पसरलेल्या घाण पाण्यामुळे दुर्गंधी पसरली होती. पादचारी असो, की दुचाकीस्वार असो, अनेकांना या दुर्गंधीचा त्रास सहन करावा लागला.

‘चेंबर’वाहू लागल्याने शंका !

‘स्मार्ट सिटी मिशन’अंतर्गत पणजी शहरात मलनिस्सारण वाहिनी टाकण्याचे काम झाले आहे. मलनिस्सारण वाहिनी टाकल्याने आणि नव्याने चेंबरची उभारणी केल्याने ही यंत्रणा निर्दोष असेल, असे वाटत होते. परंतु काही दिवसांतच चेंबर भरून वाहू लागल्याने शंका उद्भवू लागली आहे. अगोदरच महानगरपालिका स्मार्ट सिटीच्या कामाबाबत आम्हाला विश्‍वासात घेतले जात नसल्याची तक्रार करीत आली आहे. दरम्यान, या प्रभागाच्या महिला नगरसेवकाशी संपर्क साधण्याचा प्रयत्न केला, परंतु त्यांनी मोबाईल कॉल स्वीकारला नाही.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

कुलगाममधील CRPF पथकावर हल्ला करणाऱ्या दहशतवाद्यांचा खात्मा; लष्कर-ए-तैयबाचा कमांडर लतीफ भटसह दोन दहशतवादी चकमकीत ढेर

Rajat Patidar Century: 13 षटकार, 8 चौकार, 281 चा स्ट्राईक रेट! तडाखेबंद शतक ठोकून रजत पाटीदारने रचला नवा इतिहास; गोलंदाजांची उडवली झोप

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

SCROLL FOR NEXT