डिचोली : खाणी कधी एकदा सुरू होतात आणि हातांना कधी काम मिळते, याची डोळ्यांत तेल घालून वाट पाहणाऱ्या कामगारांना कामावरून काढून टाकण्याच्या हालचाली सेझा गोवा (वेदांता) कंपनीने सुरू केल्या आहेत. तशी नोटीसही कंपनीने बुधवारी जारी केली आहे.
येत्या ऑक्टोबरपासून कामगारांना कामावरून कमी करण्यात येणार आहे. कंपनीच्या या निर्णयामुळे आधीच अस्वस्थ बनलेल्या डिचोलीतील या कामगारांमध्ये प्रचंड खळबळ माजली आहे. कामगारांना घरी बसवून खाणी सुरू करण्याचा प्रयत्न झाल्यास तो हाणून पाडण्यात येईल, प्रसंगी ‘जेलभरो’ आंदोलनही करण्यात येईल, असा इशारा कामगारांनी दिला आहे.
कायदा सल्लागार ॲड. अजय प्रभुगावकर यांच्या मार्गदर्शनाखाली घेतलेल्या या पत्रकार परिषदेस संघटनेचे अध्यक्ष नीलेश कारबोटकर, सचिव किशोर लोकरे, खजिनदार नारायण गावकर, इंद्रकांत फाळकर, दीपक पोपकर, राजेश गावकर, महेश होबळे, अनिल सालेलकर, संजय मांद्रेकर उपस्थित होते.
मुख्यमंत्र्यांबरोबर बैठक
‘सेझा गोवा’ कंपनीने कामगारांना बजावलेल्‍या नोटिशीप्रकरणी गुरुवार दि. 7 जुलै रोजी सकाळी साखळी येथे मुख्यमंत्री डॉ. प्रमोद सावंत यांच्याबरोबर कामगारांची बैठक झाली. मुख्यमंत्र्यांनीही या कामगारांना वेळ दिली आहे, अशी माहिती किशोर लोकरे यांनी दिली. या बैठकीनंतर मुख्यमंत्री कोणती भूमिका घेतात, याकडे कामगारांसह कंपनी व्‍यवस्‍थापनाचे लक्ष लागून राहिले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.