पाळोळे बीच येथील सर्व्हिस रोडचे काम रखडले होते. यामुळे इथे येणाऱ्या पर्यटकांना प्रवासासाठी त्रास होत होता. अखेर आगोंदा-पाळोळे जंक्शन ते पाळोळे बीच पॉइंटपर्यंत सर्व्हिस रोडचे नूतनीकरण गुरुवारी सुरू झाले. सार्वजनिक बांधकाम विभागाचे (PWD) सहाय्यक अभियंता स्वप्नील देसाई यांनी दिलेल्या माहितीनुसार ते काम या आठवड्याच्या अखेरीस पूर्ण होणे अपेक्षित आहे. (Service road work started at Agonda-Palolem Beach)

ते म्हणाले की, 82.2 लाख रुपये खर्चाच्या या कामामध्ये खड्डे दुरुस्त करणे, रस्त्याच्या दोन्ही बाजूच्या कडा दुरुस्त करणे आणि 30 मिमी हॉट-मिक्स यांचा समावेश असेल.

काणकोण म्युनिसिपल कौन्सिल (सीएमसी) चे अध्यक्ष, मारियो सायमन रेबेलो म्हणाले की, हा रस्ता ठीक नसल्यामुळे त्याचा पाळोळेमधील पर्यटन व्यवसायावर विपरित परिणाम झाला आहे. कारण रस्त्याची अवस्था पाहून अनेक पर्यटक मागे वळून जात असत. आणि रस्त्याच्या दुरवस्थेमुळेच पर्यटक इतर किनारे पसंत करतील.