बालनाट्य चळवळीचे प्रणेते व एक यशस्वी नाट्य दिग्दर्शक म्हणून प्रसिद्ध असलेले मधुकर नारायण जोशी (वय ८२) यांचे आज सकाळी अल्प आजाराने निधन झाले.

वांते - सत्तरी येथे जन्मलेले पण फोंड्यात स्थायिक झालेले मधुकर जोशी आजारपणामुळे उत्तूरमध्ये (महाराष्ट्र) त्यांच्या भाच्याकडे होते.

त्यांची प्रकृती अचानक बिघडल्याने त्यांना उत्तूरपासून जवळच गडहिंग्लज येथील इस्पितळात उपचारासाठी दाखल करण्यात आले होते. तेथेच त्यांचे निधन झाले. अंत्यसंस्कार उत्तूर (महाराष्ट्र) येथे पार पडले.