Sateri Devi Temple Theft: मागील काही महिन्यांमध्ये राज्यात चोरांची टोळी सक्रिय झाली असून त्यांनी मंदिरे लुटण्याचा सपाटाच सुरू केला आहे. डिचोली सर्वण येथील श्री सातेरी देवीच्या मंदिरात चोरी झाल्याची माहिती समोर आली आहे.

यामध्ये चोरांनी मंदिरातील चांदीचे मुकुट तसेच इतर अलंकारांसह लाखोंचा ऐवज लंपास केला आहे. पण गंमत म्हणजे, चोर एवढ्यावरच थांबले नाहीत. त्यांनी चक्क मंदिरातील सीसीटीव्हीही चोरला असल्याचे सांगण्यात येत आहे.

चोरांचा माग काढण्यासाठी सीसीटीव्ही हा पोलिसांकडील सगळ्यात महत्वाचा मार्ग असतो. सीसीटीव्हीमध्ये कैद झालेल्या फुटेजवरून, पोलीस चोरांचा तपास करू शकतात. कदाचित हेच लक्षात आल्याने, चोरांनी सीसीटीव्ही देखील लंपास केला आहे.

दरम्यान, डिचोली पोलीस संबंधित घटनेचा अधिक तपास करत आहेत.