Sanjivani Sugar Factory Protest

संजीवनी साखर कारखान्यासमोर आंदोलन करणाऱ्या ऊस उत्पादक शेतकऱ्यांनी आता आपला मोर्चा पणजीतील आझाद मैदानाकडे वळवला आहे. आज (8 जानेवारी) पणजीतून सर्व शेतकऱ्यांनी आंदोलनाला सुरुवात केली आहे.

आज दुपारपर्यंत मुख्यमंत्र्यांनी दखल न घेतल्यास त्यांच्या निवासस्थानी धडक देण्याचा इशारा ऊस उत्पादक आंदोलकांनी दिला आहे. यामुळे आता त्यांच्या आंदोलनाला वेगळेच वळण प्राप्त झाले असून मुख्यमंत्र्यांच्या भुमिकेकडे सगळ्यांचे लक्ष लागून राहिले आहे.

या आंदोलनात तब्बल 250 ऊस उत्पादक शेतकरी सहभागी असल्याची माहिती मिळाली आहे. आमच्या मागण्या मान्य करा, कारखाना पूर्ववत चालू करा, असे आंदोलकांचे म्हणणे आहे. जोपर्यंत मुख्यमंत्री आमची दाखल घेत नाहीत, तोपर्यंत आंदोलन सुरूच राहणार असल्याचा इशारा शेतकऱ्यांनी दिला आहे.