गोव्यात आगामी काळात विधानसभा निवडणुका होणार आहेत. याच पाश्वभूमीवर सर्वच राजकीय पक्षांनी आपली तयारी सुरु केली आहे. राजकीय नेते प्रचारसभा घेत एकमेकांवर आरोप-प्रत्यारोपांच्या फैरी झाडू लागले आहेत. तर दुसरीकडे अनके बडे एका पक्षातून दुसऱ्या पक्षामध्ये प्रवेश करु लागले आहेत. त्यामुळे राज्यातील राजकीय वातवरण चांगलंच तापू लागलं आहे.

दरम्यान, शिवसेना खासदार संजय राऊत यांनी ट्वीट करुन म्हटलयं की, आज गोव्यात काँग्रेसच्या प्रमुख नेत्यांबरोबर आगामी विधानसभा निवडणुकी बाबत चर्चा झाली. यावेळी दिनेश गुंडू राव (Dinesh Gundu Rao), दिगंबर कामत (Digambar Kamat) आणि गिरीश चोडणकर तसेच माझे सहकारी जीवन कामत जितेश कामत उपस्थित होते. गोव्यात महाराष्ट्रा प्रमाणे महविकास आघाडीचा प्रयोग करता येईल का? यावर देखील चर्चा झाली असल्याचे यावेळी खासदार संजय राऊत (Sanjay Raut) यांनी सांगितले.