पणजी: मूल्यवर्धित कर (व्हॅट)च्या एकरकमी फेड योजनेचा (ओटीएस) विस्तार करून अधिक घटकांना त्यात सामावून घ्यावे,अशी शिफारस भारतीय सनदी लेखापाल संस्थेच्या गोवा शाखेने मुख्यमंत्री डॉ.प्रमोद सावंत यांच्याकडे निवेदनाद्वारे केली आहे.

राज्याच्या 2022-23 सालच्या सादर होणाऱ्या अर्थसंकल्पानिमित्त लेखापाल संस्थेच्या (आयसीएआय) गोवा शाखेतर्फे अध्यक्ष गौरव केंकरे यांच्या नेतृत्त्वाखाली मुख्यमंत्री सावंत यांनी भेटून निवेदन सादर केले. संस्थेने आपल्या सभासदांकडून व्हॅट, जीएसटी व इतर करांबाबत सूचना मागवल्या होत्या. मुख्यमंत्र्यांना त्या सूचनांची यावेळी पुस्तिका प्रदान करण्यात आली.