हडफडे येथे ‘नमस्ते’ नामक सलून अ‍ॅण्ड ब्युटी स्पामध्ये कथित शॉर्टसर्किटमुळे लाग लागल्याने दोन लाखांचे नुकसान झाले. पिळर्ण अग्निशामक दलाच्या माहितीनुसार, ही घटना सोमवार, 27 रोजी सायंकाळी 4.40 वा.च्या सुमारास घडली. शॉर्टसर्किटमुळे या सलूनमधील एसीला लाग लागली.

घटनेची माहिती मिळताच पिळर्ण अग्निशामक दलाचे अधिकारी श्रीकृष्ण पर्रीकर यांच्या नेतृत्वाखाली पथकाने घटनास्थळी धाव घेत बचावकार्य हाती घेतले व आग आटोक्यात आणली. या आगीत पिळर्ण अग्निशामक दलाने 20 लाखांची मालमत्ता वाचविली.

हे सलून दिनेश चंद्रा यांच्या मालकीचे आहे. या बचावकार्यात पिळर्ण अग्निशामक दलाचे लाडू सावंत, श्याम पाटील, विशाल पाटील, स्वप्नील नाईक, राजेश पिरणकर, विराज कांदोळकर या जवानांनी सहभाग घेतला.

सध्या गोव्यात आंबा काजू सिझन सुरु झालाय. त्यातच वातावरण बदलही होऊ लागलाय. उन्हाची तीव्रता देखील हळूहळू वाढू लागलीय. अशा परिस्थितीत जंगल क्षेत्रातील, बागायतीमधील गवताला, पालापाचोळ्यांना देखील आगी लागण्याचे प्रमाण वाढत आहे.