North Goa Superintendent of Police Akshad Kaushal Dainik Gomantak
गोवा

Panaji News : वाहतुकीबाबत नियम पाळणे चालकांची प्रथम जबाबदारी : अक्षद कौशल

पोस्टर मेकिंग स्पर्धेत सहभागी झालेल्या विद्यार्थ्यांची सर्जनशीलता मला दिसते. या प्रतिभेचा उपयोग वाहतूक जागृतीसाठी नक्कीच होऊ शकतो.

गोमन्तक डिजिटल टीम

Panaji News : पणजी, जबाबदारीने वाहने चालवणे आणि वाहतुकीचे नियम काटेकोरपणे पाळणे हे सर्वांसाठी गरजेचे आहे. वाहन चालवताना सर्व वाहतूक नियम आणि नियमांचे पालन करणे ही चालकांची पहिली जबाबदारी आहे.

जेणेकरून वाहन चालवताना त्याचा जीव आणि इतरांच्या जीवाचे रक्षण होईल, असे उत्तर गोवा पोलिस अधीक्षक अक्षद कौशल यांनी आपले मत व्यक्त केले.

मंगळवारी (ता.१०) गोवा वाहतूक पोलिसांनी गोवा कला महाविद्यालयात जनजागृती कार्यक्रम घेतला. ‘रस्ता सुरक्षा’ हा विषय घेऊन विद्यार्थ्यांनी पोस्टर मेकिंग स्पर्धेत सहभाग घेतला.

औपचारिक कार्यक्रमादरम्यान, पोलिस अधीक्षक अक्षद कौशल यांनी गोवा कला महाविद्यालयाच्या विद्यार्थ्यांना संबोधित केले आणि सांगितले की, त्यांना निसर्गाने चित्रकलेची सुंदर प्रतिभा दिली आहे.

पोस्टर मेकिंग स्पर्धेत सहभागी झालेल्या विद्यार्थ्यांची सर्जनशीलता मला दिसते. या प्रतिभेचा उपयोग वाहतूक जागृतीसाठी नक्कीच होऊ शकतो.

गोवा कला महाविद्यालयाचे प्राचार्य विल्फ्रेड गोएस यांनीही नमूद केले की, पोलिस वाहतूक अधीक्षकांनी हे पोस्टर्स चालान प्रतीच्या मागे लावून रस्ता सुरक्षा जनजागृतीसाठी वापरण्यास सहमती दर्शविली आहे.

गोएस म्हणाले की, पुढील वर्षी मल्टिमीडिया विद्यार्थ्यांना ‘रस्ता सुरक्षा’ विषयावर लघुपट करण्यास सांगितले जाऊ शकते.

यानंतर पोस्टर मेकिंग स्पर्धेचे पारितोषिक वितरण झाले. महाविद्यालयातील चार विद्यार्थ्यांना बक्षिसे व सहभागी विद्यार्थ्यांना सहभाग प्रमाणपत्रे देण्यात आली. पोलिस उपअधीक्षक सुदेश नार्वेकर यांनी कार्यक्रमाच्या समाप्तीदरम्यान आभार मानले.

वाहतुकीचे सर्व नियम व नियमांचे पालन करून वाहन चालवणे आणि स्वत:चे व इतरांच्या जीवनाचे रक्षण करणे ही चालकाची जबाबदारी आहे. वाहन चालवताना सावध राहिल्यास बहुतांश अपघात टाळता येतील.

- अक्षद कौशल, पोलिस अधीक्षक

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Gas Cylinder Seizure: 1021 पैकी 485 सिलिंडर रिकामे, वजनमाप खात्‍याकडून मोजणी; अहवाल मिळाल्‍यानंतर पोलिस करणार कारवाई

UTAA: ‘उटा’ 8 संघटनांनी एकत्र येऊन स्‍थापलेली संस्‍था नव्‍हे! ती 14 व्यक्तींनी केलेली सोसायटी; प्रकाश वेळीप यांचा दावा

Goa Water Taxi: गोव्यात लवकरच धावणार पाण्यावरची टॅक्सी! कोचीचे पथक करणार पाहणी; प्रवाशांना मिळणार नवा पर्याय

Goa News Live: सराईत गुंड 'टारझन' विरोधात हत्यार कायद्याखाली गुन्हा; अड्डयावर सापडली तलवार

Goa Politics: खरी कुजबुज; पैशांसाठी भारतीय स्त्रिया बनल्या विधवा?

SCROLL FOR NEXT