Anmod Ghat

गोवा – बेळगावला जोडणाऱ्या रस्त्यावरील अनमोड घाटात रस्ता खचला आहे. घाटातील या रस्त्याला यापूर्वीच भेगा पडल्या होत्या, अखेर शुक्रवारी रात्रीच्या सुमारास रस्ता खचला. यामुळे गोवा – बेळगाव मार्गावरील वाहतुकीवर परिणाम झाला आहे.

अनमोड घाटातील दूधसागर मंदिराच्या जवळील रस्त्याला भेगा पडल्या होत्या, प्रशासनाच्या ही बाब लक्षात आल्यानंतर या भागात बॅरिकेड्स टाकून गोव्याच्या दिशेने येणारी वाहतूक एकेरी ठेवण्यात आली होती. अखेर शुक्रवारी रात्रीच्या सुमारास हा रस्ता खचला. सुदैवाने कोणतीही दुर्घटना घडलेली नाही.

गेल्या काही दिवसांपासून गोव्यासह बेळगावमध्ये मुसळधार पाऊस पडत आहे. यामुळे रस्ता खचणे, झाडे उन्मळून पडणे यासह विविध घटना घडत आहेत. काही दिवसांपूर्वी अनमोड घाटातील रस्त्याला भेगा पडल्यानंतर खबरदारी घेण्यात आली होती, दरम्यान, रात्रीच्या सुमारास अखेर हा रस्ता खचला आहे.यामुळे गोव्याकडे येणाऱ्या वाहतुकीवर परिणाम होणार आहे.