कळंगुट: मायना भाटी-हडफडे येथील लक्ष्मी नारायण देवस्थान नजीकच्या अंतर्गत रस्ता सुशोभीकरणावरून स्थानिक ग्रामस्थांनी हल्लाबोल केला.
या भागात अंतर्गत जुना डांबरी रस्ता असून बांधकाम कंत्राटदार अथवा बिल्डरने करायचेच असेल तर त्याच रस्त्याचे पुन्हा डांबरीकरण करावे; परंतु विनाकारण अनावश्यक रस्ता सुशोभीकरण करून येथील प्रसिद्ध लक्ष्मीनारायण देवस्थानची पवित्रता तसेच या वारसास्थळाला बाधा आणू नये.
असे आवाहन देवस्थानचे अध्यक्ष राजेश मोरजकर यांनी केले. देवस्थानला वैयक्तिक स्वार्थापोटी धक्का लावण्याचे कुणीच धाडस करू नये, असे ग्रामस्थांनी सांगितले.
नागवा-हडफडे पंचायत मंडळाच्या परवानगीशिवाय गावात कुठल्याही प्रकारचे अवैध बांधकाम अथवा सुशोभीकरणाचे काम होऊ दिले जाणार नाही. याबाबतीत पंचायत मंडळ सदोदित लोकांच्या सोबत राहाणार असल्याचे सरपंच रोशन रेडकर यांनी ‘दै. गोमन्तक’शी बोलताना सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.