पणजी : गोवा सरकारच्या माहिती आणि प्रसिद्धी विभागाच्या वतीने राज्यस्तरीय फोटो स्पर्धेचे आयोजन करण्यात आले आहे. या स्पर्धेत दोन विभाग ठेवण्यात आले असून ‘विकसित गोवा’ आणि ‘गोव्याची जंगले व वन्यजीव’ या विषयांवर स्पर्धकांना आपली कलाकृती सादर करता येणार आहे. स्पर्धेसाठी कोणतेही प्रवेश शुल्क आकारले जाणार नाही तसेच वयाची कोणतीही अट ठेवण्यात आलेली नाही.
स्पर्धेत विजेत्यांसाठी आकर्षक बक्षिसांची तरतूद करण्यात आली आहे. पहिल्या क्रमांकासाठी २० हजार रुपये, दुसऱ्या क्रमांकासाठी १६ हजार रुपये, तर तिसऱ्या क्रमांकासाठी १२ हजार रुपये इतकी रोख रक्कम बक्षीस दिली जाणार आहे.
याशिवाय प्रत्येक विभागात पाच उत्तेजनार्थ बक्षिसे देण्यात येणार असून प्रत्येकी २ हजार रुपये रोख रक्कम आणि सहभागाचे प्रमाणपत्र दिले जाईल.
स्पर्धेत सहभागी होण्यासाठी स्पर्धकांनी १२ x ८ इंच आकारातील फोटो पाठवावी लागतील. एक स्पर्धक एका किंवा दोन्ही विभागात जास्तीत जास्त चार फोटो सादर करू शकतो.
प्रवेशपत्रिकेसोबत रहिवासी दाखला जोडणे अनिवार्य आहे. मात्र, मोबाईलद्वारे काढलेले फोटो ग्राह्य धरले जाणार नाहीत. छायाचित्रे आणि अर्ज पाठविण्याची शेवटची तारीख १० ऑक्टोबर २०२४, सायं. ५ वाजेपर्यंत आहे.
या स्पर्धेतील विजेत्यांना १६ नोव्हेंबर रोजी राष्ट्रीय पत्रकार दिनाच्या निमित्ताने बक्षिसांचे वितरण करण्यात येईल. इच्छुकांनी आपली प्रवेशपत्रिका माहिती आणि प्रसिद्धी संचालक, तिसरा मजला, उद्योग भवन, पणजी, गोवा या पत्त्यावर पाठवावी. अधिक माहितीसाठी माहिती व प्रसिद्धी खात्याशी संपर्क साधावा.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.