उत्तर प्रदेशसह 5 राज्यांच्या विधानसभा निवडणुकांच्या तारखांच्या घोषणेची तारीख आली आहे. यासोबतच उत्तर प्रदेश, पंजाब, मणिपूर, गोवा आणि उत्तराखंड या पाच राज्यांमध्ये आचारसंहिताही लागू झालेली आहे. निवडणूक आयोगाने निष्पक्ष निवडणुका घेण्यासाठी काही नियम केले आहेत, त्याला आचारसंहिता म्हणतात. आचारसंहिता लागू होताच अनेक बदल होतात.

दरम्यान, विधानसभा निवडणुकीची (Assembly elections) आचारसंहिता सुरू असेपर्यंत मद्य विक्री करणारी दुकाने, बार, पब्ज, शॅक्स तसेच क्लबला रात्री 11 पर्यंतच सुरू ठेवण्याची मुभा देण्यात आली आहे. तसेच दारूची विक्री करण्यासाठी देखील रात्री 11 पर्यंतच परवानगी देण्यात आली आहे. तसे दक्षिण गोवा जिल्हाधिकाऱ्यांकडून नोटीस देखील जारी करण्यात आले आहे.

दरम्यान, गोव्यात (goa) आगामी काळात विधानसभा निवडणुकांचं बिगूल वाजले आहेत. यातच राज्यातील सर्वच राजकीय (political) पक्षांनी विधानसभा निवडणुकीची तयारी सुरु केली आहे. राज्यात पुन्हा भाजपची सत्ता आणण्यासाठी राज्यातील नेतृत्व निकराने प्रयत्न करत आहे. तर दुसरीकडे भाजपचा पराभव करण्यासाठी तृणमूलसह इतर राजकीय पक्षांनी मोट बांधली आहे.