मडगाव: दक्षिण गोव्याला जलपुरवठा करणाऱ्या महत्त्वाच्या वाहिनीत बिघाड झाल्याने आज व उद्या मुरगावसह आजूबाजूच्या परिसरात मर्यादित पाणीपुरवठा होईल, असे पेयजल विभागाने कळवले आहे. आजपासून (१४ मे) दोन दिवस १५ मे पर्यंत मर्यादीत पाणी पुरवठा होणार असल्याचे खात्याने म्हटले आहे. त्यामुळे दक्षिण गोव्यात नागरिकांना जपून पाणी वापरावे लागणार आहे.

या संदर्भात जारी करण्यात आलेल्या पत्रकात म्हटले आहे की, कुठ्ठाळी, दाबोळी, वास्को व सासष्टीमधील बाणावली, नुवे, कुडतरी मतदारसंघ आणि सांत आंद्रे मतदार संघातील काही भागात मर्यादित पाणी पुरवठा होईल. आज (१४ मे) आणि उद्या (१५ मे) रोजी मर्यादीत पाणी पुरवठा होणार असल्याचे या पत्रकात म्हटले आहे.

साळावली जलपुरवठा प्रकल्पाच्या मोठ्या जलवाहिनीला वेर्णा येथे गळती लागल्याने काम करणे अनिवार्य बनले आहे. त्याचा दक्षिण गोव्याच्या पाणी पुरवठ्यावर परिणाम होणार आहे.