मडगाव: गोव्यातून एक धक्कादायक घटना समोर आली आहे. दुपारचे जेवण करण्यासाठी आलेल्या मायलेकीवर रेस्टाॅरंटच्या एका कर्मचाऱ्याने लैंगिक अत्याचार केल्याचा धक्कादायक प्रकार उघडकीस आला आहे. बलात्काराची ही घटना मागच्या वर्षी १० जूनला घडली. 

अविनाश राठोड असे त्या संशयिताचे नाव आहे. याप्रकरणी त्याच्याविरोधात मायणा-कुडतरी पोलिस स्थानकात बलात्काराचा गुन्हा दाखल केला आहे.

मिळालेल्या माहितीनुसार, मडगाव येथील रेस्टाॅरंटमध्‍ये आपल्या आईसमवेत दुपारच्या जेवणासाठी गेलेल्या एका अल्पवयीन मुलीवर त्या रेस्टाॅरंटच्या एका कर्मचाऱ्याने बलात्कार केला. त्या संशयिताने त्या मुलीच्या आईवरही लैंगिक अत्याचार केल्याचे उघडकीस आले आहे. या प्रकरणी गुन्हा दाखल करण्यात आला असून, पोलिस अधिक तपास करतायेत.