पणजी : कदंब पठारावरील हिरवळ नष्ट होत असल्याने चिंबल (Chimbel) स्थानिकांत चिंता पसरत असून वनविभाग आणि राज्य जैवविविधता मंडळावर स्थिकांत नाराजीचा सुर उमटत आहे. तसेच पठारावर होणारी वृक्षतोड वनविभाग (forest department) आणि राज्य जैवविविधता मंडळाने (state biodiversity board) तातडीने थांबवावी अशी मागणी येथील रहिवाशांनी पत्राद्वारे केली आहे. (Residents of Chimbel concerned over the Kadamba plateau)

गेल्या चार वर्षांत असे दिसून आले आहे की, दरवर्षी, बहुतेक फेब्रुवारी किंवा मार्च महिन्यात, झाडांना (trees) आग लावून किंवा कापून हळूहळू कदंब पठारावरील (Kadamba plateau) हिरवळ (green) नष्ट केली जात आहे. तसेच या पत्रात पुढे म्हटले आहे की, जेंव्हाही या परिसरात अशा प्रकारची वृक्षतोड केली जाते किंवा नासधूस होते, त्याची माहिती वेळोवेळी संबंधित प्राधिकरणाला रहिवाशांनी पत्राद्वारे दिलेली आहे.

कदंब पठारावरील (Kadamba plateau) हिरवळ नष्ट होत असून त्यात मुख्यतः कोम्यो आणि मोय यासारखी जंगली वनस्पती आहेत. ज्यात कांतन, चुन्ना इत्यादी फळ देणारी झाडे देखील आहेत. या झाडांकडे येथे विविध पक्षी, सरपटणारे प्राणी आणि इतर प्रजाती आकर्षित होतात. तेथील हिरवाईमुळे या भागात अनेक झाडे आणि प्रजतींचे अस्तित्वात आहे. येथे समृद्ध जैवविविधता साखळी तयार झाल्याचेही रहिवाशांनी पत्रात लिहिले आहे.