दाबोळी - वाडे येथील मासळी व्यवसायिक तथा समाजकार्यकर्ते ग्रासिएस कुतिन्हो यांनी आपली सेवा उत्कृष्टरित्या बजाविताना ' सिनॉय मायडीस' प्रजातीच्या कासवाला जीवदान दिले आहे. या कासवाला स्थानिक भाषेत 'हिरवा समुद्री कासव' असे म्हणतात. तिसवाडी मारावेला समुद्रात बुधवार (दि.8) रात्री मासेमारी करताना ग्रासिएस यांच्या जाळ्यात हिरवा समुद्री कासव अडकला.
याबद्दल सविस्तर माहिती अशी कि, बुधवारी रात्री तिसवाडी मारावेला समुद्रात मासे पकडताना कुतिन्हो यांच्या मासळी पकडणार्या बोटीच्या जाळ्यात मासळी बरोबर भलामोठा कासव मिळाला. त्यांनी प्रसंगावधान राखत त्या कासवाला जाळ्यातून बाहेर काढले.
नंतर त्याला गुरुवारी (दि. 9) पहाटे पुन्हा मारावेला समुद्रात सोडून जीवनदान दिले. ' सिनॉय मायडीस' या हिरवा समुद्र कासवाचे वैज्ञानिक नाव असल्याचे कुतिन्हो यांनी सांगितले. कासवाचे वजन अंदाजे 25 किलो होते. कासवाला जीवनदान दिल्याने ग्रासिएस कुतिन्हो यांचे सर्वस्थरातून अभिनंदन करण्यात येत आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.