Goa Electric Solar Ferry Boat: जवळपास वर्षभरापूर्वी सुरू झालेली राज्यातील पहिली आणि एकमेव इलेक्ट्रिक-कम-सोलर फेरी प्रशिक्षित कर्मचारी नसल्याने वापराविना पडून आहे.

दरम्यान, बोटीच्या वायरिंग हार्नेसवर उंदरांचे साम्राज्य असल्याचे दिसून आले आहे. तथापि, जलवाहतूक मंत्री सुभाष फळदेसाई यांनी उंदरांनी केलेले नुकसान फार मोठे नाही, असे सांगितले आहे.

दरम्यान, आठवडाभरापासून या हार्नेसच्या दुरूस्तीचे काम सुरू आहे. उंदरांनी केलेले नुकसान फार मोठे नाही, असे फळदेसाई यांनी ठामपणे सांगितले आहे.

उंदिरांनी विजेच्या वायरी कुडतरल्या आहेत. आपल्या घरात देखील उंदरांच्या अशा समस्येला सामना करावा लागतो. हे नुकसान फार मोठे नाही. सोलर फेरी बोटच्या दुरूस्तीचे काम सुरू आहे.

केवळ वायरी बदलायाच्या आहेत. काही तारा पुन्हा जोडायच्या आहेत. हे काम फार खर्चिक नाही.

कॅप्टन ऑफ पोर्ट्सच्या फ्लोटिंग कॉंक्रिट जेट्टीसह गेल्यावर्षी या बोटीचे लोकार्पण करण्यात आले होते. या बोटीसाठी सुमारे 3.97 कोटी रुपये खर्च आला होता.