Panjim Protest Dainik Gomantak
गोवा

Panjim Protest: 'नेपाळी गोव्यात येऊन धंदा करतोय...', आंदोलकांनी Swiggyच्या 'डिलिव्हरी बॉय'ला घेरत सरकारवर साधला निशाणा

Rama Kankonkar Assault: करंझाळे येथे कार्यकर्ते रामा काणकोणकर यांच्यावर झालेल्या प्राणघातक हल्ल्याचे राज्याच्या राजकारणावर मोठे परिणाम उमटले आहेत.

Sameer Amunekar

पणजी: करंझाळे येथे कार्यकर्ते रामा काणकोणकर यांच्यावर झालेल्या प्राणघातक हल्ल्याचे राज्याच्या राजकारणावर मोठे परिणाम उमटले आहेत. या घटनेनंतर विविध पक्षांचे नेते आणि कार्यकर्ते रस्त्यावर उतरले असून सरकारविरोधी वातावरण अधिक तीव्र झाले आहे. रामा काणकोणकर यांच्यावर झालेल्या हल्ल्यामुळे सुरक्षेचा प्रश्नही चर्चेत आला आहे. पोलिसांनी तातडीने पाच संशयितांना अटक केली आहे, परंतु राजकीय वादग्रस्त परिस्थिती अजूनही तापलेली आहे.

आंदोलनादरम्यान संतप्त कार्यकर्त्यांनी एका 'नेपाळी' स्विगी डिलिव्हरी बॉयला घेरलं. आंदोलकांचा आरोप होता की, “गोवा सरकार काय करत आहे? नेपाळचा माणूस गोव्यात येऊन व्यवसाय करतोय आणि गाडीला गोव्याची नंबर प्लेट लावून काम करत आहे. राज्य सरकारकडून लोकांना स्विगी वापरायला सांगितल जातं, पण स्थानिकांचा हक्क कुठे राहतो? असा सवाल संतप्त आंदोलकांनी यावेळी केला.

डिलिव्हरी बॉयशी संवाद साधल्यावर त्यानं स्पष्ट केलं की, तो गोव्यात १५ वर्षांपासून राहतो आणि व्यवसाय करत आहे. मात्र आंदोलकांचा राग पाहता, राज्यात व्यवसायाच्या अधिकारांवर व स्थानिक लोकांसोबत स्पर्धेवर चर्चा वाढली आहे.

राज्यातील विविध राजकीय पक्षांचे नेते आणि कार्यकर्ते रस्त्यावर उतरले असून सरकारविरोधात आंदोलनं सुरु आहे. करंझाळे हल्ल्याच्या पार्श्वभूमीवर, गोव्यातील कायदा आणि सुव्यवस्थेच्या स्थितीवर प्रश्न उभे राहिले आहेत. स्थानिक आणि बाहेरील व्यक्तींमधील व्यवसायातील संघर्ष, सुरक्षा प्रश्न आणि सरकारच्या कार्यक्षमतेवर नागरिकांचे लक्ष केंद्रित झाले आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

OMG... असं कोण करतं? चालत्या गाडीतून उतरला अन् पुढे..., खतरनाक Stunt पाहून तुम्हालाही फुटेल घाम! पाहा Viral Video

PM Narendra Modi: पिपळाच्या पानाचेर पंतप्रधान नरेंद्र मोदीचे चित्र, Watch Video

D2M Technology: डेटा, वायफायचं टेन्शन नाही! 2000च्या फोनवर इंटरनेटशिवाय पाहता येणार चित्रपट आणि LIVE सामने, 'या' नवीन तंत्रज्ञानाबद्दल जाणून घ्या

Illegal Fishing: 'बोट्स माझ्या नावावर नाहीत!' आमदार नाईक आक्रमक, सीझ ट्रॉलर्सच्या आरोपांवर पलटवार; म्हणाले, ''माफी मागा!''

IND VS SA Head to Head: 94 एकदिवसीय सामने... भारत- आफ्रिकामध्ये कोणाचं पारडं जड? पाहा हेड-टू-हेडमध्ये कोणाची आकडेवारी भारी?

SCROLL FOR NEXT