Delhi Goa Flight

दिल्ली-गोवा दरम्यान जाणाऱ्या एका फ्लाईटमध्ये एक धक्कादायक घटना घडली. राजस्थानमधील एका प्रवाशाने फ्लाईटचा दरवाजा उघडण्याचा प्रयत्न केला. दोबाळी विमानवर लँड होणाऱ्या फ्लाईटमध्ये सोमवारी (दि.25) ही घटना घडली.

मिळालेल्या माहितीनुसार, दिल्लीतून गोव्यात येत असलेल्या इंडिगो फ्लाइटमध्ये एक राजस्थानचा प्रवासी होता. प्रवाशाने फ्लाइटचा स्टारबोर्ड दरवाजा उघडण्याचा कथित प्रयत्न केल्याने विमानातील सर्व प्रवासी घाबरले.

प्रवाशाने सहप्रवाशांचा जीव धोक्या घातल्याप्रकरणी त्याच्या विरोधात दाबोळी विमानतळ पोलिसांनी गुन्हा नोंद केला आहे.

प्रवाशाने दरवाजा उघडण्याचा प्रयत्न केल्यामुळे विमानातील सुरक्षा यंत्रणा सतर्क झाली आणि वॉर्निंग अलर्ट वाजू लागले. यामुळे फ्लाइटमधील इतर प्रवाशांची आणि क्रूची सुरक्षा धोक्यात आली.

दाबोळी विमानतळ पोलिसांनी प्रवाशाविरोधात भारतीय दंड विधान कलम 336 अन्वये गुन्हा दाखल केला आहे.