Purple Fest In Goa: पंतप्रधान नरेंद्र मोदी यांना दिव्यांगांच्या प्रश्‍नांबाबत अधिक आपुलकी आहे. राज्यात येत्या 8 ते 13 एप्रील दरम्यान आयोजित करण्यात आलेल्या पर्पल फेस्ट कार्यक्रमाचा आढावा पंतप्रधान कार्यालयाद्वारे घेतला जात आहे,असे समाजकल्याण मंत्री सुभाष फळदेसाई यांनी पत्रकारांशी बोलताना सांगितले.

फळदेसाई म्हणाले, केंद्र सरकारद्वारे पर्पल फेस्टसाठी फंड देण्यात आला असल्याचे त्यांनी सांगितले. पर्पल फेस्ट मोठ्या प्रमाणात विविध कार्यक्रमांचे आयोजन करण्यात आले असून 250 हून अधिक कार्यक्रम, क्रीडा स्पर्धा, शिक्षण, संस्कृती, क्रीडा, दिव्यांगांच्या विविध समस्यांबाबत 30 हून परिषदा आयोजित केल्या आहेत. फेस्टचे नियोजन वेगात सुरू असून कला अकादमी तसेच इतरत्र कामाला सुरुवात झाली आहे.

स्मार्ट सिटी कामांचा ‘फेस्ट’वर परिणाम नाही !

स्मार्ट सिटी अंतर्गत विविध कामे सुरू आहेत, परंतु याचा परिणाम ‘पर्पल फेस्ट’ महोत्सवावर होणार नाही. कला अकादमी, कुजिरा, तसेच इतर भागात या कार्यक्रमांचे आयोजन करण्यात आले आहे. दिव्यांगांना कोणत्याच प्रकारची गैरसोय होणार नाही,असे आयोजकांकडून सांगण्यात आले.