Valpoi News : वाळपई, आज मुलांच्या सर्वांगीण विकासासाठी वाचन खूप महत्त्वाचे आहे. ग्रामीण भागातील मुलांना आता चांगल्या प्रकारची सुविधा प्राप्त होत आहे. त्यामुळे या इमारतीच्या माध्यमातून मुलांनी आपला विकास करताना गावाचे, शाळेचे नाव उज्ज्वल केले पाहिजे, असे प्रतिपादन पर्येच्या आमदार डाॅ. दिव्या राणे यांनी केले.

ठाणे येथील सरकारी माध्यमिक विद्यालय ठाणे यांच्या इमारत दुरुस्ती व संरक्षक कुंपणाच्या पायाभरणी कार्यक्रमात प्रमुख पाहुण्या म्हणून त्या बोलत होत्या.

यावेळी व्यासपीठावर केरी जिल्हा पंचायत सदस्य देवयानी गावस, ठाणे सरपंच सरिता गावकर, उपसरपंच तनया गावकर, मुख्याध्यापक काशिनाथ नाईक, शिक्षक गणेश गावडे, फटगो गावकर, कंत्राटदार रियाज खान, सिध्देश साळुंखे, लाड, पंच सुरेश आयकर, नीलेश परवार, अनुष्का गावकर, सुचिता गावकर,

सोनिया गावकर, सुभाष गावडे, विनायक गावस, सर्वेश गावकर आदींची उपस्थिती होती. यावेळी मान्यवरांच्या हस्ते संरक्षक कुंपणाचे व इमारत दुरुस्तीकामाचे भूमिपूजन करून शुभारंभ करण्यात आला.

ठाणेसारख्या ग्रामीण भागातील सरकारी माध्यमिक विद्यालयाची मॉडेल स्कूल म्हणून नियुक्ती करण्यात आली आहे.

शाळेच्या इमारत दुरुस्तीकामासाठी एकूण १ कोटी ५० लाख रुपयांचा निधी मंजूर झाला आहे. तसेच टप्प्याटप्प्याने ही कामे पूर्ण केली जातील.

पावसाळ्यापूर्वी सर्व कामे पूर्ण करण्यात येतील. आता ही इमारत दुरुस्ती करण्यात येणार असल्याने ग्रामीण भागातील शाळेला एक नवीन स्वरूप प्राप्त होणार आहे. त्याचबरोबर येणाऱ्या दिवसांत शाळेला नवीन, सुसज्ज असे मैदान प्राप्त होणार आहे.

- डॉ. दिव्या राणे, आमदार