पणजी: कॉंग्रेस नेते राहूल गांधी यांना नॅशनल हेराल्ड प्रकरणात जाणीवपूर्वक राजकीय हेतूने भाजप गोवण्याचा प्रयत्न करत असल्याचा आरोप होत असल्याच्या निषेधार्थ भाजप युवा मोर्चाने आज कॉंग्रेस प्रदेश कार्यालयासमोर कॉंग्रेस नेते राहुल गांधीच्या प्रतिकात्मक पुतळ्याचे दहन करत निषेध नोंदविला.
यावेळी युवा मोर्चाचे अध्यक्ष समीर मांद्रेकर, सिद्धार्थ नाईक, गिरिराज पै वेर्णेकर, सर्वानंद भगत, सिद्धार्थ कुंकळ्येकर व इतर भाजप कार्यकर्ते मोठ्या प्रमाणात उपस्थित होते.
समीर नाईक म्हणाले, नॅशनल हेराल्डच्या आस्थापनांचाच जर विचार केला तर कोट्यवधीची संपत्ती आहे. कुठलाही पक्ष कर्ज देऊ शकत नाही, असे अशा प्रकारचा भ्रष्टाचार करूनही राजकीय हेतूने कारवाई केली, असे म्हणणे चुकीचे आहे. आम्ही भाजप युवा मोर्चाचा वतीने कॉंग्रेसचा निषेध करत आहे.
कॉंग्रेस सत्तेत असताना सर्व सरकारी यंत्रणा आपल्याहाती असल्याने आपले कुणीही वाकडे करणार नाही, असा समज कॉंग्रेसचा झाला होता. परंतु ज्यावेळी मोदींचे सरकार आले त्यावेळी त्यांचे एकेक कारनामे समोर आलेत.
न्यायालयानेही त्यांना याबाबतीत दोषी ठरविले आहे. कोट्यवधीचा भ्रष्टाचार करूनही आपण काहीच केले नसल्याचा आविर्भाव ते आणत आहेत. त्यामुळे आम्ही त्यांचा निषेध करत असल्याचे माजी आमदार सिद्धार्थ कुंकळ्येकर यांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.