Solar Energy  Dainik Gomantak
गोवा

Goa Solar Energy: ‘धरणां’वर सौरऊर्जा निर्मितीचा प्रस्ताव पडून? धक्कादायक माहिती उघड

Solar Energy Development: वीजमंत्री सुदिन ढवळीकर यांनी सौरऊर्जा निर्मितीसाठी गावात सौरऊर्जा निर्मिती केंद्रे उभारण्याचे ठरविले असले तरी अद्याप धरणांच्या पाण्यावर संयंत्रे बसवून सौरऊर्जा निर्मितीचा प्रस्ताव पडून असल्याची धक्कादायक माहिती उघड झाली आहे.

गोमन्तक डिजिटल टीम

Dam-Based Solar Power Project Faces Setback At Goa

पणजी: वीजमंत्री सुदिन ढवळीकर यांनी सौरऊर्जा निर्मितीसाठी गावात सौरऊर्जा निर्मिती केंद्रे उभारण्याचे ठरविले असले तरी अद्याप धरणांच्या पाण्यावर संयंत्रे बसवून सौरऊर्जा निर्मितीचा प्रस्ताव पडून असल्याची धक्कादायक माहिती उघड झाली आहे.

दरम्यान, मध्यप्रदेशातील ओंकारेश्वर येथे उभारण्यात आलेला जगातील सर्वात मोठा असा तरंगता सौरऊर्जा निर्मिती प्रकल्प पाहणीसाठी सोमवारी व मंगळवारी केंद्र सरकारने अभ्यास दौऱ्याचे आयोजन केले आहे. यात गोव्यातून तीन अधिकारी सहभागी होणार आहेत.

या पाहणीनंतर तरी राज्यातील धरणांचा वापर सौरउर्जा निर्मितीसाठी होणार का, असा प्रश्न त्यामुळे चर्चेला आला आहे. ओंकारेश्वर येथे ६०० मेगावॅट विजेची निर्मिती केली जाते. त्याची पाहणी करण्यासाठी देशभरातील अधिकाऱ्यांचा अभ्यास दौरा केंद्रीय नवीन व नवीतम ऊर्जा मंत्रालयाने आयोजित केला आहे.

दरम्यान, राज्यातील धरणांच्या पाण्यांवर तरंगते प्रकल्प उभारून १९७ मेगावॅट विजेची निर्मिती करता येऊ शकते, अशी माहिती वीजमंत्री ढवळीकर यांनी विधानसभेत दिली होती. राज्यातील चार धरणांत १ हजार ३०० कोटी रुपयांच्या गुंतवणुकीतून ही सौरऊर्जा निर्मिती करण्यात येणार होती. एसजेव्हीएन ग्रीन एनर्जी या सार्वजनिक क्षेत्रातील कंपनीने तसा प्रस्तावही राज्य सरकारला दिला होता. साळावली, आमठाणे, अंजुणे आणि चापोली धरणांचा अभ्यास त्यासाठी करण्यात आला होता.

पडिक जमिनीचा वापर करावा!

राज्यात पुरेशी सौरऊर्जा तयार होत नसल्याबद्दल गोवा चेंबर ऑफ कॉमर्सच्या पायाभूत सुविधा समितीच्या बैठकीत चर्चा करण्यात आली आहे. या समितीचे मार्गदर्शक जोसेफ डिसोझा यांनी सांगितले, की राज्यातील बहुतांश पडिक जमीन ही कूळ कायद्याखालील आहे. त्या कायद्यातील तरतुदीनुसार ती शेतीव्यतिरीक्त अन्य कारणासाठी वापरली जाऊ शकत नाही.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

Goa Water Crisis: 'जल है तो कल है'! यंदाच्या अपुऱ्या पावसामुळे गोव्यात पाणीटंचाईचे गडद संकट

Uttar Pradesh Assembly Election 2027: उत्तर प्रदेश निवडणुकीत भाजप विरुद्ध भाजप, राममंदिर, राष्ट्रवाद आणि हिंदुत्वाचे मुद्दे झाले जुने; योगी आदित्यनाथ यांची अग्निपरिक्षा

राजकीय आरक्षणाच्या हक्कासाठी आदिवासी समाज रणांगणात उतरणार; आगामी विधानसभा निवडणुकीत 23 मतदारसंघांत सत्ताधाऱ्यांविरोधात लढण्याचा ‘उटा’चा निर्णय

SCROLL FOR NEXT