काँग्रेसचे आमदार आलेक्स रेजिनाल्ड (Congress Aleixo Reginaldo) यांनी विधानसभा सदस्यत्वाचा राजीनामा दिला होता. त्यामुळे काँग्रेसला जबरदस्त धक्का बसला आहे. त्यांतर त्यांनी तृणमूल काँग्रेसमध्ये प्रवेश केला. यानंतर मतदार संघातील आणि कार्यकर्त्यांची नाराजी लक्षात घेत त्यांनी 27 दिवसात तृणमूल काँग्रेसला देखील राजीनामा दिला. आणि परत काँग्रेसमध्ये प्रवेश करणार अस बोलल जात होत. मात्र, त्यांना आता काँग्रेसची दार बंद झाल्याच स्पष्ट दिसत आहे. कारण कुडतरी मतदारसंघातून मोरेना रिबेलो यांना काँग्रेसकडून उमेदवारी जाहीर करण्यात आली आहे. त्यामुळे आलेक्स रेजिनाल्ड यांच्या अडचणी वाढल्या आहेत.

दरम्यान, कुडतरीचे काँग्रेस आमदार आलेक्स रेजिनाल्ड यांनी तृणमूल काँग्रेसची वाट धरल्याने त्यांचा पत्ता कट झाल्याचं चित्र आहे. मागच्याच आठवड्यात रेजिनाल्ड यांनी तृणमूल पक्षाचा राजीनामाही दिला होता. तृणमूलमध्ये (TMC) जाणे ही आपली मोठी चूक होती. आपण आपल्या कार्यकर्त्यांना विचारात घेतलं नव्हतं. मात्र आता आपण आपल्या कार्यकर्त्यांना विचारात घेऊनच पुढील पाऊल उचलणार असल्याचं स्पष्ट केलं होतं. त्यामुळे रेजिनाल्ड (Aleixo Reginaldo Lourenco) आता काय भूमिका घेतात याकडे सर्वाचंच लक्ष असेल.