गोवा: भारताचे राष्ट्रपती राम नाथ कोविंद आज 2 दिवसांच्या गोव्याच्या दौऱ्यावर आले आहेत. आयएनएस हंसा विमानतळावर त्यांचे आगमन झाले. दरम्यान, राज्यपाल पीएस श्रीधरन पिल्लई, मुख्यमंत्री प्रमोद सावंत, पर्यटन राज्यमंत्री श्रीपाद नाईक आणि इतरांनी त्यांचे स्वागत केले.

(President Ram Nath Kovind arrives in Goa on 2 day visit)

दरम्यान, गोव्याचे मुख्यमंत्री डॉ.प्रमोद सावंत यांनी देखील राष्ट्रपती कोविंद यांचे त्यांच्या ट्वीटर हॅंडेलवरून स्वागत केले. ते म्हणाले, "भारताचे माननीय राष्ट्रपती श्री राम नाथ कोविंद जी यांचे दाबोलीम विमानतळावर आगमन झाल्यावर त्यांचे हार्दिक स्वागत"

राष्ट्रपती कोविंद आपल्या भेटीदरम्यान 15 जून 2022 रोजी दोनापावला येथे नवीन राजभवनाची पायाभरणी करण्याच्या कार्यक्रमाला उपस्थित राहतील.