पुणे: गोव्याचे मुख्यमंत्री डॉ. प्रमोद सावंत यांनी शनिवारी (दि. २२) पुण्यातील प्रसिद्धीत टिळक महाराष्ट्र विद्यापीठात आर्टिफिशल इंटेलिजन्स आणि मशीन लर्निंग लॅबचे उद्घाटन केले. मुख्यमंत्री सावंत यांनी स्वतः एक्स (ट्विटर) वर पोस्ट करत ही माहिती दिली आहे. मुख्यमंत्री शुक्रवारी पश्चिम विभागीय परिषदेच्या २७ व्या बैठकीसाठी पुणे दौऱ्यावर होते आणि दरम्यान त्यांनी टिळक महाराष्ट्र विद्यापीठात प्रमुख पाहुणे म्हणून सहभाग दर्शवला.

टिळक महाराष्ट्र विद्यापीठातील लॅबच्या उद्घाटनाबद्दल पोस्ट शेअर करत मुख्यमंत्री लिहितात की एक माजी विद्यार्थी म्हणून या कार्यक्रमाला उपस्थित राहणं हे माझ्यासाठी भाग्याचं आहे. येणाऱ्या काळात हे जग आर्टिफिशल इंटेलिजन्सच्या माध्यमातून चालणार आहे.

भारत देखील आर्टिफिशल इंटेलिजन्सच्या सहाय्यानेच प्रगती करणार आहे, यामध्ये भारत सरकार देखील प्रयत्न करत असून सरकारकडून सेंटर्स फॉर एक्सेलन्ससाठी तरतूद, शैक्षणिक अभ्यासक्रमात समावेश अशी पाउले सरकार कडून उचलली जात आहेत. त्याचबरोबर त्यांनी विद्यार्थ्यांनी नवीन तंत्रज्ञान आत्मसाद करत त्यात भर घालण्याचे आवाहन केले आहे.