Scheduled Power Interruption in Goa Margao Pernem

सासष्टी: मडगावात काही ठिकाणचे एलव्ही बोर्ड, फिडर पिलर्स बदलायचे असल्याने तसेच सेवा पिलर्सची दुरुस्ती करायची असल्याने खालील ठिकाणी ५ ते ९ नोव्हेंबर या कालावधीत सकाळी ९ ते दुपारी ३ वा.पर्यंत वीज खंडित केली जाईल, असे आके, मडगाव येथील वीज खात्याच्या कचेरीने प्रसिद्धी पत्रकाद्वारे नागरिकांना कळविले आहे.

मंगळवार, ५ रोजी केरकर इस्पितळ (प्रियांका अपार्टमेंट, सब्रिना अपार्टमेंट व परिसर), बुधवार, ६ रोजी क्रुनेट मालभाट (अलंकार इमारत, स्टर्लिंग अपार्टमेंट, कारो हाऊस, समाधान इमारत, कणकेश्र्वरी इमारत, शिव इमारत व परिसर), गुरुवार, ७ रोजी आपना बाझार, रिलायन्स, सिद्धार्थ इमारत (माबाय हॉटेल, रायकर फोटो स्टुडिओ व परिसर), शुक्रवार, ८ रोजी दमोदर हाऊसिंग सोसायटी (परिसर), शनिवार, ९ रोजी पांडवा कपेल (तिंबलो हाऊस, पद्मा मेडिकल स्टोअर, लक्ष्मी बेकरी, बाळू रेसिडेन्सी, ईगल हाऊस, पांडवा कपेल व परिसर). नागरिकांनी या वीज खंडित नोटिसीची दखल घेऊन सहकार्य करावे, अशी विनंती वीज खात्यातर्फे करण्यात आली आहे.

पेडणेतही दुरुस्ती

दरम्यान, महत्त्वाच्या दुरुस्तीसाठी पेडणे तालुक्यातील काही भागात सोमवार, ४ ते शुक्रवार, ८ रोजीपर्यंत वीजपुरवठा खंडित ठेवण्यात येणार असल्याचे पेडणे वीज कार्यालयातून कळविण्यात आले आहे. सोमवार, ४ रोजी हाळी व चांदेल परिसर, बुधवार, ६ रोजी पेडणे आयटीआय, चिवय व मुरमुसे, गुरवार, ७ रोजी तोर्से ग्रामपंचायत क्षेत्रातील फकीरपाटो परिसर, शुक्रवार, ८ रोजी मोपा परिसरातील देऊळवाडा व गोठणवाडा परिसर.