पणजी: पर्वरी येथील सुकूर भागात २०१९ मध्ये झालेल्या हल्ल्याप्रकरणी आरोपी दिनेश मल्लीन्मणी (२८) आणि संतोष मल्लीन्मणी (३४) या दोघा भावांवर गुन्हा दाखल करण्याचे आदेश अतिरिक्त सत्र न्यायाधीश आरतीकुमारी नाईक यांनी दिले आहे. या आदेशामुळे दोन्ही भावांना खटल्यास सामोरे जावे लागणार आहे.
न्यायालयाने या दोघांवर भारतीय दंड संहितेच्या कलम ३२३, ३२४, ५०६, ३०७ तसेच ३४ या गंभीर कलमांतर्गत खटला चालविण्यास पुरेसा पुरावा असल्याचे नमूद केले. ही घटना १७ फेब्रुवारी २०१९ रोजी घडली होती.
तक्रारदाराला त्याचा मित्र संदीप आर्या याने फोन करून ‘माझ्यावर हल्ला झाला’ असे सांगितले होते. त्यानंतर तक्रारदार, त्याचा भाऊ सुरेश नाईक व इतर जण सुकूर येथील हिंदू स्मशानभूमीकडे गेले. तेथे त्यांना दोन्ही आरोपी भेटले व त्यानंतर त्यांना मारहाण झाली होती.
सरकारी वकिलांनी दिलेल्या माहितीनुसार, संतोषने प्रथमच तक्रारदारांवर हल्ला केला. त्यानंतर त्याचा भाऊ दिनेश घटनास्थळी आला. दिनेशने आपल्या स्कूटरमधून बियरची बाटली व चाकू काढून पीडितांना धमकावले. दिनेशने चाकूने सुरेश नाईक याच्या पोटात वार केला व गंभीर रक्तस्त्राव करणारी दुखापत केली. संतोषनेही लाथाबुक्क्यांनी मारहाण करून हल्ल्यात साथ दिल्याचे त्यांनी स्पष्ट केले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.