डिचोली: डिचोली रोटरी क्लबच्या पुढाकारातून जोशीभाट-सुर्ल येथील सच्चीत फोंडेकर या गरीब युवकाला निवारा मिळाला आहे. सामाजिक कार्याची बांधिलकी जोपासत ''हावज टू होमलेस'' या उपक्रमांतर्गत रोटरी क्लबने सच्चीत फोंडेकर या गरीब युवकाला घर बांधून दिले आहे. रोटरी क्लबाच्या 117 व्या संस्थापक दिनाचे औचित्य साधून हे घर सच्चीत याच्या स्वाधीन करण्यात आले आहे. सुर्लचे पंच सुभाष फोंडेकर यांनी यासाठी पुढाकार घेतला होता.

गौरीश धोंड यांच्या हस्ते सच्चीत फोंडेकर यांच्याकडे घराच्या चाव्या देण्यात आल्या. याप्रसंगी उपप्रांतपाल प्रिया नाईक, प्रतिमा धोंड, डिचोली रोटरी क्लबचे अध्यक्ष सुदीन नायक, सचिव अमोल सावंत, सामाजिक सेवा संचालक सागर शेट्ये, उपाध्यक्ष संदेश बुर्ये, पारिश खानोलकर, आनंद देसाई, दुर्गेश कारापूरकर, डॉ. संदीप सावंत आदी पदाधिकाऱ्यांसह लाभार्थी सच्चीत फोंडेकर यांचे कुटुंबीय उपस्थित होते.